قصيدة حب من روائع الشاعر عادل محسن

قصيدة حب


كون يمك
الف هنياله الينام اليله يمك
الف هنياله الكعد لحضات يمك
كون يمك
كون احضنك
كون ابوسك
كون اشمك
كون أحط راسي أعله صدرك
بلكي همي ايزيل همك
انه احبك
وانه احب كل حرف بسمك
وانه احس يجرن سوه دمي ويه دمك
ناري ماتطفه ولا نارك طفت
اوعيني كبلك تبجي اذا عينك بجت
يلعزيز الي مابعد عن بالي لحضه
ماكول انته ابعدت وشلون اظمك
اومن يذكرونك اكبالي يبين ابوجهي القلق لو جابو اسمك
انته نقطة ضعفي انته
او لواحب ثاني احبك
اليوم كلبي لبابكم بليل اخذني
اوسمع اهلك كله ملتمين يمك
ونته ابطارف الساني او ماكدر اصيحك
وهلك ابراحتهم يصيحون بسمك
والله لو تعرف ابحالي كلبي يركظ اعله الباب
يركظ كبل جدمك
كون يمك اذكر ايام اسالتني منو ايحب محبوبه اكثر
او من اكلك انه اكثر تنقهر ويفور دمك
وذكر اعله بابي اجيتني امحمل اهموم
اومن شفتني اتبسمت ونزال همك
اوهسه اجيتك
ولك جيتك بالهموم ادخيل يمك
واليوم روحي اتعندت وياي وتريد حبيبي
ابياطريق اوصلك وشلون افهمك
وليمته ياحبيب تضل تطشر من ايدي